JAMAN PICISAN
Dening: Khotimatul Aminah
Jaman iki jaman picisan
Kabeh-kabeh kebak katresnan
Yen ora pacaran jare kurang pergaulan
Uga jalari ketinggalan jaman
Jamane jaman picisan
Asmara kanggo uba pacoban
Yen wus kedadeyan,
Mobat-mabit ibarat kitiran
Jamane pancen picisan
Nepsu kaumbra ing priyangga badan
Nlusup alus tanpa konangan
Jebule, dirgama tan kadugan
Duh, temenan iki jaman picisan
Ngawure wus ora karuan
Polahe wus ora kena digadhang
Anane mung rekayasan katresnan
Surakarta, 11 Oktober 2016
Tidak ada komentar:
Posting Komentar